Pancakes

Yir a wee puke'
that's whit ma Granny
used to say tae me.
'Yir a wee puke'

And, ah think whit she meant was,
ah was a wee bit soft in the heed,
a wee bit sensitive and dependant,
a mammies boy like, daft wae it tae.

'Yir mammy and daddy,
see only the Angel's Halo
above your heed, Boy.'

She didn't mean it nasty.
Maybe she was a bit jealous.
Bit she meant it in a way
that was just a wee observation.

'That boy, he's as saft
as a Caramel Sundae.'

Ma gran used to make
pancakes every Saturday.
A large tray of them.
And ah wid watch her make
the mix up, wae eggs
and flour and sugar,
then she'd spoon some out
and pour it ontae the hot pan,
in a wee cirlce it wid form,
and it wid cook,
then she wid flip it over
and it would be all golden broon.
And she'd do that and make about 30
pancakes, fir the whole family
to eat wae thur tea or coffee.

And ah wid just stand beside her,
and watch the pancakes being made.
And ah wid smell them like a wee prayer.
The sweet baked smell clung tae my
nostrils.

And ah loved that,
watching her make the pancakes,
wee circular pancakes,
wee, saft halos
that we all ate.


Colin McGuire

Copyright Notice
The content on glasgowreview.co.uk is copyright 2008-2010 The Glasgow Review and
individual contributors, and may not be reprinted, reproduced or retransmitted
in whole or in part without the Editor's prior express written consent.